Bak hytta vår er det lauvskog, og bjørkene har vakse seg kjempehøge. Med fare for at dei kunne falle over både straumledningen og hytta, gjekk vi i gang med å fella 7 kjempehøge trær 15 meter høge. Ein risikosport som fekk hjarta til å banka fortare enn normalt når mannen saga og eg og jentene skulle prøva å sikra trea ved å dra i tau som mannen hadde festa rundt trea - men det gjekk bra, trea fall der dei skulle.
Ein dag gjekk vi ein flott tur opp på Tysnessåta, 752 m.o.h. Ei fantastisk utsikt over store delar av Sunnhordland!
Litt strikking vart det også innimellom. Ein kjøkkenklut strikka i bilen og 2 par sokkar strikka av restegarn i Opal. Eine paret hadde eg akkurat nok garn til, det andre paret er restar frå 2 ulike nøster.
Sokkane er strikka på p 2,5 og eg la opp 60 masker. Kjøkkenkluten er strikka i Tuva garn - 60 m og p 4.
Har også fått ferdig pynten på eit smykkesjal. Her har eg lagt opp 3 m og auka 2 m kvar 2. pinne til 15 m. Så strikka eg ca 1,5 meter og felte av til eg hadde 3 m att. Pynten er laga av ei tova ullkule, ei svart trekule og ein "sølvring".
1 kommentar:
Takk for hyggelig kommentar fra deg på min blogg! Så koseligå på den måten komme innom din blogg å se de flotte bildene du har tatt. Godt å se bilder som minner om at våren er i anmarsj:-)
Ha en fin aller siste påskedag!
Legg inn en kommentar