lørdag 31. desember 2011

Flaskenissar






Desse flaskenissane har stått ferdige ei stund, men har mangla auge.  Etter litt leiting viste det seg at eg hadde akkurat passeleg store auger i huset, og då gjenstod det berre å få sett dei på.  Nissane er strikka i Fritidsgarn og deretter har dei fått eit par omgangar i vaskemaskina for toving.  Oppskrifta finst i fleire ulike strikkehefter.  Min størrelse passar til store brusflasker og kan også brukast til vinflasker, men då er dei litt i største laget.  Julerødvinen på biletet var ei gåve til jul, og innhaldet er forlengst vekke.  Nydeleg god vin!

Julekrybbe del 2


I romjula har eg fått gjort ferdig andre del av julekrybba av fellesprosjektet på Hobbyboden.  To gjetarar og 2 sauer har vorte ferdigmontert.  No manglar eg dei 3 vise menn og engel, men det får verta eit prosjekt for 2012.

fredag 30. desember 2011

"Papirengler"



Tidlegare i haust gjorde eg ferdig dette veggopphenget med "papirenglar".  Effektane på englekjolane har eg fått fram ved å laga krympestoff, ein teknikk eg aldri hadde vore borti før.  Storleiken på opphenget er ca 45x65 cm og heng i stova mi no i jula.  Fargane passar godt inn i hjå meg, og eg synes det er mykje finare der det heng på veggen min enn det eg har klart å få fram på biletet.  Mønsteret er AnnAKa sitt frå 2009.

tirsdag 6. desember 2011

Julekrybbe del 1


Har endeleg fått gjort ferdig del 1 av julekrybbeprosjektet som pågår på Hobbyboden.  Josef, Maria og Jesusbarnet er på plass.  Del 2 består av gjetarar og sauer og tilslutt kjem dei 3 vise menn.  Nesten ferdig med dei 2 gjetarane også, men må venta på mønster på sauene.  Strikkar av restegarn i Sisu på p 2,5.

søndag 4. desember 2011

"Julegaver"





Utruleg kor fort tida går. Kjempelenge sidan eg har blogga! Det betyr ikkje at eg har lagt på latsida denne hausten. Tvertimot har eg fått gjort ferdig (nesten) alle ufo-ane mine + litt til.
Sidan det nærmar seg jul, passar det å leggja ut dei julerelaterte produkta mine framover. I dag er det AnnAKa sine "Julegaver" som vert blogga. Som vanleg har eg handapplikert figurane; kosar meg med slikt arbeid.
Related Posts Plugin for WordPress, Blogger...