mandag 29. august 2011

På bærtur




Denne løparen har eg hatt liggjande ferdig ei stund. Også dette mønsteret er AnnAKa sitt og ho har kalla det "På bærtur". Høver godt å ta denne blåbærduken i bruk no på seinsommaren med hausten like rundt hjørnet. No ventar eg spent på å få Eventyrteppet og Roseteppet i retur frå
Meretes quiltestue.

fredag 5. august 2011

Rose




22. juli var vi i Spania på ferie. 2 kanalar på TV og ingen internett. Den eine TV kanalen var Eurosport så vi fekk iallefall sett Tour de France og den flotte norske innsatsen av nordmennene!
Då vi kom heim att, var beda overgrodde med ugras, og blomar var avblomstra. I fjor flytta eg nokre rosetre som var heller skrøpeleg til eit av beda mine for å sjå om dei ville ta seg opp att denne sommaren. Det gjorde dei ikkje. Eg ser ut i eit av beda mine og kva ser eg oppi alt ugraset; ei einsleg, stor og nydeleg rose! Nesten symbolsk etter hendingane 22. juli. Av og til er eg og andre familiemedlemer så heldige at vi får ei rose i ei eller annan samanheng. Eg har i mange, mange år vore på jakt etter ein blomstervase til å ha desse i. I helga skal vi i bryllaup, og då eg var inne i ein TILBORDS butikk for å finna ei gåve til brudeparte, finn eg vasen eg har leita etter. Nederst er vasen forma som eit hjarte. Nesten symbolsk det også i desse dagar. Den einslege rosa vart sett i den nye vasen - og for ei lukt. Trur ikkje eg har kjent maken til god lukt på ei rose. Iallefall ikkje frå min hage.

torsdag 4. august 2011

Margerittar



Har begynt å få ferdig ein del av UFO-ane mine. Her er den første UFOen eg gjorde ferdig; Margerittløparen med AnnAKa sitt mønster. Kjøpte materialpakke hjå Lappedilla for 2 år sidan då eg var på ferie nordover. Vart veldig fornøgd med denne; både mønster og fargesamansetjinga.
Har også gjort ferdig Eventyrteppet og Roseteppet (desse er også AnnAKa mønster), og har gjort avtale med Merete som skal quilta begge teppa for meg. Må prøva å få sendt dei avgarde i morgon.
Related Posts Plugin for WordPress, Blogger...