Angorakaningarn

Bente har vore så snill og spunne opp ein del av ulla eg har fått frå angorakaninane min. Eg har ikkje lært meg å spinna endå, sjølv om utstyret har vore på plass lenge. Men ein gong når eg får tid .... På torsdag skal eg på strikkekafè i Knarvik, og då skal eg kjøpa meg strikkeboka"Myk start" av May Bente Langhelle. Forfattaren skal sjølv vera tilstades og signera boka. Eg har bladd gjennom boka, og veit at det finst mange fine oppskrifter som eg kan bruka til angoragarnet mitt.

Lommetøflar

Av restegarn frå fjellsettet eg strikka, har eg laga 2 par lommetøflar. Desse tøflane er veldig kjekke og strikka, så det er nesten slik at eg ikkje kan leggja arbeidet frå meg før eg er ferdig med eit par.

Veskeframdrift

Har sydd på denne veska i helga. No har eg berre att lukkekanten og hankane. Har tenkt å gjera veska ferdig på kurset på tirsdag.

Veske med lokk

Sist veke begynte eg på "klubbkurs" i http://www.quiltekroken.no/ Vi er 10 damer som syr saman annankvar tirsdag. Her får me gjort ferdig ufoar og får inspirasjon av kvarandre til å ta til på nye ting. Første kvelden starta eg på ei veske med lokk etter ei oppskrift av Bente Malm.

Har klipt ut alle delane til både sjølve veska og stoffet eg skal ha til for inni veska, og kome godt i gang med quiltinga.

Veggoppheng AnnAKa mønster

Dei siste dagane har eg sydd vidare på ein Ufo eg begynte på for eit år sidan. No gjenstår berre

litt meir quilting og lukkekantar, men det får vera til eg får godt dagslys att.

Sokkar med mønster

Har endeleg fått ferdig sokkane. Først var det ein del feil i mønsteret og så fekk eg for lite garn av den eine mønsterfargen, men no er heile settet klart til å takast i bruk.

Eg har funne mønsteret i boka "Varmekilder".

Lue, vottar og sokkar

Har strikka ferdig vottar og lue til mannen i huset. Han treng varmt ulltøy når han dreg til fjells. Lua er strikka med hals til å brette ned ... og vil han ikkje brette den ned, kan han brette den opp! Det høyrer også med sokkar til det same settet, er nesten ferdig med den eine og kome halvvegs på sokk nr 2. Mykje arbeid, og litt kronglete fordi det var ein del feil i oppskrifta i tillegg til at eg måtte strikka sokkane i mindre storleik enn oppskrifta. Sjølv om eg brukar tynnare pinnar, vart sokkane for lange og eg må tilpassa oppskrifta før tåfellinga.

Sokkebok

Sist veke fekk eg den flotte sokkeoppskriftboka til vis2vas i posten. Har kosa meg veldig med å sjå på dei ulike oppskriftene, og gler meg til å bruka oppskriftene. Må berre prøva å få gjort ferdig nokre ufoar først. Snart er det vinterferie, så då får eg håpe på at eg får betre tid!

Babytrøye og sokkar i angorakaninull

Har strikka ei babyundertrøye og eit par sokkar av ull frå angorakaninane mine. Dette skal vera ei gåve til ei lita jente i familien.

På skulebenken

I helga starta eg på vidareutdanning i Pedagogisk veiledning, 30 studiepoeng. Munnleg eksamen i desember. Det vert travelt i tillegg til full jobb, men veldig spennande med nye impulsar og forhåpentlegvis vil studiet koma til nytte både på jobb og privat.

"Tante Mia"

Nok ein Ufo er ferdig. Har sydd ein løpar i AnnAKa sitt mønster "Tante Mia". Fargane kjem ikkje så godt fram på bildet, men løparen er sydd med ulike grønnfargar i midten.

Englemaskesjal

Har gjort ferdig nok ein Ufo. Dette sjalet er hekla med englemasker i Mohair Løvegarn som eg

har fått frå Strikketrollet i HVgåve. Vurderte å avslutta med perler rundt kanten, men enda opp med å hekle 2 omgangar med luftmaskebuer istadenfor. Sjalet vart luftig og lett. og var veldig artig å hekle.

Selbuvottar

Har strikka eit par rosa og kvite Selbuvottar i Silja på pinne nr 3. Uvant fargekombinasjon å strikka selbuvottar i, men eigaren hadde bestilt fargane slik og vart storfornøgd med resultatet.

No er det berre å håpa på eit kaldare Vestlandsvèr slik at dei kan koma i bruk.

Solskinnsbollar

I dag har eldstejenta diska opp med kjempegode solskinnsbollar til kaffien. Heldige uventa gjestar fekk også smaka. Her kjem oppskrifta:

Gjærdeig:

50 gr gjær

75 gr TineSmør

2 del Tine Kaffefløte

2 del TineMelk Hel

1 stk egg

4 ss sukker

12 dl hvetemel

Fyll:

2,5 del Piano Vaniljekrem

4 ss sukker

2 ss malt kanel

Smuldre gjær i bakebollen. Smelt smør og hell over fløte og melk. Varm til 37 grader. Hell dette over gjæren og rør til gjæren er oppløst. Tilsett egg og sukker og elt inn mel til en smidig deig, som knapt slipper bakebollen. Sett til heving under plast ca 40 min.

Ta deigen opp på bakebordet og kjevle ut til et rektangel. Fordel fyllet over deigen og rull sammen som til en rullekake. Skjær i ca 3 cm brede biter og legg snurrene i papirformer, sammen i ein form til en kake eller rett på bakepapir. Etterhev ca 20 min.

Pensle med sammenpisket egg. Stek bollene ved 250 grader i 5-6 minutter. Avkjøl på rist. Bollene egner seg til frysing, men samker aller best nybakt.

Rillestrikka sokkar

Har strikka eit par rillestrikka sokkar i Opal. Sokkane er strikka sidelengs og sydde saman med maskesting under foten.

Kattepute

Har quilta ferdig ei pute i stoff som eg fekk frå min hemmelege maivenn Strikketrollet

Gamal perlebrystduk

Denne gamle perlebrystduken frå Sunnhordland har yngstejenta mi arva etter mormora si som fekk brystduken frå ei gamal dame ca 1940. Den har lagt i ei skuff i mange, mange år. No har eg funne den fram att, fått tak i nokre perler som mangla og sydd perlene på. Sjølv om vi jenter her i huset har Nordhordlandsbunad, synes eg brystduken kan brukast også til jenta mi sin bunad, sidan det er eit arvestykket. Vurderer også om eg skal få heile brystduken innramma og hengja den på veggen til pynt.

Lueufoar ferdig

Ferdig med nokre Ufo-ar. 2 hekleluer i Topp't Tå garn og ei strikkelue i Alaskagarn.
Mønsteret på hekleluene har eg fått frå Marihøna.

Tilbakeblikk

Endeleg er eg i gong med bloggen min igjen. Det har vore ein uvanleg travel haust, og den nyoppretta bloggen min vart ikkje prioritert. Nokre produkt har eg likevel klart å få ferdige, og
her kjem ein del av dei. I vekene framover skal Ufo-ar prioriterast!

Familien Vinter

Er veldig glad i AnnAKa sine mønster. Har sydd mange av dei. No har eg gjort ferdig 4 nye kuvertbrikker "Familien Vinter", slik at eg har 8 totalt. Desse kuvertbrikkene skal få vera med på hytta vår.

Strikkeklutar

Har prøvd meg på klutar eg også. Dei er supre i bruk, så slike vert det nok fleire av. Fine å bruka som smågåver òg.

Sjal i påfuglstrikk.

Dette sjalet er strikka i Broomstick Lace, påfuglstrikk med ein pinne nr 25 og heklenål nr 7 i Mohair Lux.

Toalettvesker

Desse to toalettveskene sydde eg ferdig til jul og brukte som julegåve til ei jente som elskar rosa.

Har brukt AnnAKa sitt mønster "Annas sminkepung.

Musevisa

Har sydd seks kuvertbrikker etter AnnAKa sitt mønster "Heisan og Hoppsan" etter inspirasjon av "Musevisa" til Alf Prøysen. Har applikert alt for hand, synes det er veldig koseleg å driva med. Brikkene har lagt ulike stadar rundt i huset som små løparar i jula.

Klær til Baby Born

Har strikka og hekla desse to setta i Mandarin Petit. Oppskriftene er henta frå Sandnes sitt dukkehefte nr 0702

Hemmeleg Venn juni 2007

Har fått ei flott gåve frå min Hemmeleg Juni-venn på HB: 2 rosa nøster Superwash Ullgarn, 2 nøster Topp t'Tå i ein nydeleg lillafarge, eit rosa silkeband, 3 hjerteknappar, rosa englevinger, 3 rosa sommarfuglar og 5 små,rosa stiftar som kan brukast til pynt på feks klær. Eg fekk også eit koseleg kort med ei lita teikning av ein sommarfugl, så gåva er nok sendt av SOMMERFUGLEN.

Festdrakt til Babyborn

For ei stund sidan melde eg meg inn i Babyborn-alongen på Hobbyboden. Oppgåva var å laga eit selskapsantrekk

som skulle vera ferdig til 1. juni. Eg valgte å laga eit 17. mai antrekk. Mønsteret er frå Sandnes sitt hefte nr 0106 Dukkehefte og er strikka i Sisu. Antrekket vart ikkje ferdig til 17. mai, fordi oppgitt lengde på pyntebandet var altfor lite, berre nok til nedre kant på skjørtet, så eg måtte få tak i meir.

Hekla gryteklutar

Gryteklutar hekla i Mor Aase Bomullsgarn som eg har fått frå min Hemmelege Maivenn Strikketrollet.

Bosniatøflar

Har strikka mitt første par Bosniatøflar. Dei er strikka i Østlandsgarn og det turkise garnet fekk eg frå Rita i HV mars.

Hemmeleg venn mai 2007

I dag har eg fått pakke frå min hemmelege maivenn.
Eg har fått to nøster Mor Aase bomullsgarn, eit nydeleg Mohair Løvegarn, eit flott stoff med kattemotiv
og eit kort med ei fin helsing i og eit dikt som heiter "Si oss det" av Rolf Jacobsen. Har alt lagt planar for
bruk av både stoff og garn.