Revesokkar

I romjula strikka eg desse revesokkane med garn og oppskrift frå Hillesvåg Ullvarefabrikk.  I mellomtida har sokkane vore på "tur", men no fekk eg endeleg tatt bilde av dei.

Eg er så heldig at eg bur i nærleiken av Hillesvågen, og må ta meg ein tur dit rett som det er.

Dei har masse nydeleg garn og ull og ein liten, triveleg butikk i dei gamle fabrikklokala. 

Oppi berget bak fabrikken har dei laga denne utsmykninga, eit kjempestort strikkearbeid.  Stilig er det.